കൗമാരക്കാർക്കിടയിലെ മയക്കുമരുന്ന് ഉപയോഗം തിരിച്ചറിയുന്നതിനായി രക്ഷിതാക്കൾ ജാഗ്രത പുലർത്തണമെന്ന് ഷാർജ പോലീസ് നിർദ്ദേശം നൽകി. 2025 ജൂൺ 28-നാണ് ഷാർജ പോലീസ് ഇത് സംബന്ധിച്ച അറിയിപ്പ് നൽകിയത്.
سلامتك أولوية… وتعثرك مسؤولية.
— شرطة الشارقة (@ShjPolice) June 28, 2025
لا تتردد في التواصل مع شرطة الشارقة عبر الرقم 8004654، حيث يتم التعامل مع بلاغك بكل سرية.#شرطة_الشارقة#shjpolice#مجتمع_آمن_وشرطة_رائدة#الشارقة_إمارة_صحية pic.twitter.com/D0mKPu5HrT
യുവാക്കളിൽ മയക്കുമരുന്ന് ഉൾപ്പടെയുള്ള ലഹരി പദാർത്ഥങ്ങളുടെ ഉപയോഗം സംബന്ധിച്ച് പ്രകടമാകുന്ന രഹസ്യമായ ലക്ഷണങ്ങൾ തിരിച്ചറിയാൻ രക്ഷിതാക്കളെ സഹായിക്കുന്നതിനുള്ള ഒരു വീഡിയോ ഇതിന്റെ ഭാഗമായി ഷാർജ പോലീസ് പുറത്തിറക്കിയിട്ടുണ്ട്.
ലഹരി ഉപയോഗത്തിന്റെ ഇത്തരം നിഗൂഢമായ ലക്ഷണങ്ങൾ തിരിച്ചറിയാൻ രക്ഷിതാക്കൾ ജാഗരൂകരായിരിക്കണമെന്ന് പോലീസ് ചൂണ്ടിക്കാട്ടിയിട്ടുണ്ട്. യുവാക്കളിൽ ലഹരി പദാർത്ഥങ്ങളോടുള്ള ആസക്തി തടയുന്നതിനായി ഇവയുടെ ഉപയോഗം ആദ്യ ഘട്ടത്തിൽ തന്നെ കണ്ടെത്തുന്നതും, സാമൂഹികമായ ജാഗ്രതയും ഏറെ പ്രധാനമാണെന്ന് ഷാർജ പോലീസ് അധികൃതർ കൂട്ടിച്ചേർത്തു.
സഹായത്തിനായി രക്ഷിതാക്കൾക്ക് 8004654 എന്ന നമ്പറിൽ ബന്ധപ്പെടാമെന്നും ഷാർജ പോലീസ് അറിയിച്ചിട്ടുണ്ട്.
