നിലവിലെ സാഹചര്യത്തിൽ ഔദ്യോഗിക സ്രോതസ്സുകളിൽ നിന്നുള്ള അറിയിപ്പുകൾ പിന്തുടരാൻ അബുദാബിയിലെ ഇന്ത്യൻ എംബസി യു എ ഇയിലെ ഇന്ത്യൻ പ്രവാസികൾക്ക് നിർദ്ദേശം നൽകി. 2026 ഫെബ്രുവരി 28, ശനിയാഴ്ച രാത്രിയാണ് അബുദാബിയിലെ ഇന്ത്യൻ എംബസി ഇത്തരത്തിൽ ഒരു അറിയിപ്പ് നൽകിയത്.
ADVISORY: Stay informed through official channels and avoid rumours. pic.twitter.com/1aelmLn6Vm
— India in UAE (@IndembAbuDhabi) February 28, 2026
കിംവദന്തികൾ ഒഴിവാക്കണമെന്നും, ഔദ്യോഗിക ചാനലുകളിലൂടെ ലഭിക്കുന്ന വിവരങ്ങൾ മാത്രം പിന്തുടരണമെന്നും എംബസ്സി ഇന്ത്യക്കാരോട് ആവശ്യപ്പെട്ടിട്ടുണ്ട്.
നിലവിലെ സാഹചര്യങ്ങളെക്കുറിച്ചുള്ള വിവരങ്ങൾ സാമൂഹിക മാധ്യമങ്ങളിൽ പങ്ക് വെക്കുന്ന അവസരത്തിൽ ഇന്ത്യൻ പ്രവാസികൾ ജാഗ്രത പാലിക്കണമെന്ന് എംബസി നിർദ്ദേശിച്ചിട്ടുണ്ട്. യു എ ഇ അധികൃതർ പുറപ്പെടുവിച്ച ഉപദേശങ്ങൾ അനുസരിച്ചാണ് ഇത്തരം ഒരു നിർദ്ദേശം.
“രാജ്യത്തെ സുരക്ഷാ സാഹചര്യത്തെക്കുറിച്ചുള്ള കിംവദന്തികളുടെയും വ്യാജ വാർത്തകളുടെയും ഇരകളാകരുതെന്നും, കൃത്യമായ അറിയിപ്പുകൾക്കായി ഇന്ത്യൻ എംബസി/ കോൺസുലേറ്റ്/ യു എ ഇ സർക്കാർ അധികാരികളുടെ ഔദ്യോഗിക നിർദ്ദേശങ്ങൾ പാലിക്കണമെന്നും യു എ ഇയിലെ ഇന്ത്യൻ സമൂഹത്തോട് അഭ്യർത്ഥിക്കുന്നു,” എംബസ്സി പങ്ക് വെച്ച അറിയിപ്പിൽ വ്യക്തമാക്കുന്നു.
ഔദ്യോഗിക വിവരങ്ങൾ ലഭിക്കുന്നതിനായി താഴെ പറയുന്ന സാമൂഹിക മാധ്യമ അക്കൗണ്ട് വിവരങ്ങളും എംബസ്സി പങ്ക് വെച്ചിട്ടുണ്ട്:
- അബുദാബിയിലെ ഇന്ത്യൻ എംബസി – @IndembAbudhabi.
- ദുബായിലെ ഇന്ത്യൻ കോൺസുലേറ്റ് – @cgidubai.
- യു എ ഇ വിദേശ്യകാര്യ മന്ത്രാലയം – @mofauae.
- യു എ ഇ പ്രതിരോധ മന്ത്രാലയം – @modgovae.
- യു എ ഇ ആഭ്യന്തര മന്ത്രാലയം – @moiuae.
- എമിറേറ്റ്സ് ന്യൂസ് ഏജൻസി – @WAMNEWS_ENG.
- യു എ ഇ സർക്കാർ മീഡിയ ഓഫീസ് – @UAEmediaoffice.
- അബുദാബി മീഡിയ ഓഫീസ് – @ADMediaOffice.
- ദുബായ് മീഡിയ ഓഫീസ് – @DXBMediaOffice.
IMPORTANT ADVISORY pic.twitter.com/EIHcAHqxf0
— India in UAE (@IndembAbuDhabi) February 28, 2026
യു എ ഇയിലെ ഇന്ത്യൻ പൗരന്മാർക്ക് അടിയന്തര അന്വേഷണങ്ങൾക്ക് താഴെ പറയുന്ന നമ്പറുകളിൽ ബന്ധപ്പെടാവുന്നതാണെന്നും എംബസ്സി അറിയിച്ചിട്ടുണ്ട്:
- ടോൾ ഫ്രീ നമ്പർ: 800-46342
- വാട്സ്ആപ് – +971543090571.
- ഇമെയിൽ – pbsk.dubai@mea.gov.in / ca.abudhabi@mea.gov.in
