ഔദ് മേത്ത, അൽ അസയേൽ സ്ട്രീറ്റ് നവീകരണ പദ്ധതിയുടെ ഭാഗമായുള്ള എല്ലാ ജോലികളും പൂർത്തിയാക്കിയതായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) അറിയിച്ചു. 2026 സെപ്റ്റംബർ 20-നാണ് ദുബായ് മീഡിയ ഓഫീസ് ഇക്കാര്യം അറിയിച്ചത്.
Dubai’s Roads and Transport Authority (RTA) completes all works on Oud Maitha Road and Al Asayel Street Development Project. The project involved enhancing four major intersections, in addition to constructing four bridges and two tunnels spanning 4,300 metres in total, and 14… pic.twitter.com/PmSwZpfhb3
— Dubai Media Office (@DXBMediaOffice) September 20, 2026
4,300 മീറ്റർ നീളത്തിൽ നാല് പാലങ്ങൾ, രണ്ട് തുരങ്കങ്ങൾ, 14 കിലോമീറ്റർ റോഡുകൾ എന്നിവയുടെ നിർമ്മാണത്തിനൊപ്പം, നാല് പ്രധാന കവലകൾ മെച്ചപ്പെടുത്തുന്നതിനുള്ള പ്രവർത്തനങ്ങൾ കൂടി ഉൾപ്പെടുത്തിയാണ് ഔദ് മേത്ത, അൽ അസയേൽ സ്ട്രീറ്റ് നവീകരണ പദ്ധതി പൂർത്തിയാക്കിയിരിക്കുന്നത്.
ഈ പദ്ധതി ഔദ് മൈത സ്ട്രീറ്റിന്റെ ശേഷി 50% വർദ്ധിപ്പിക്കുകയും യാത്രാ സമയം 75% കുറയ്ക്കുകയും ചെയ്യുന്നു.
സാബീൽ, അൽ ജദ്ദാഫ്, ഊദ് മൈത, ഉം ഹുറൈർ, ലത്തീഫ ഹോസ്പിറ്റൽ, അൽ വാസൽ ക്ലബ് എന്നിവയുൾപ്പെടെ നിരവധി സർവീസ്, റെസിഡൻഷ്യൽ, ഡെവലപ്മെന്റ് മേഖലകൾക്ക് ഔദ് മേത്ത, അൽ അസയേൽ സ്ട്രീറ്റ് നവീകരണ പദ്ധതിയുടെ പ്രയോജനം ലഭിക്കുന്നതാണ്. 2030 ആകുമ്പോഴേക്കും ഈ പദ്ധതി പ്രകാരം സേവനം ലഭിക്കുന്ന പ്രദേശങ്ങളിലെ ജനസംഖ്യ 420,000 കവിയുമെന്നാണ് പ്രതീക്ഷിക്കുന്നത്.
Cover Image: Dubai Media Office.
