ഏഴ് വർഷത്തിനിടയിൽ ഏതാണ്ട് 292 ദശലക്ഷം യാത്രികർക്ക് യാത്രാസേവനങ്ങൾ നൽകിയതായി ദോഹ മെട്രോ അധികൃതർ അറിയിച്ചു. 2026 മെയ് 8-നാണ് ഖത്തർ റെയിൽ ഇത് സംബന്ധിച്ച അറിയിപ്പ് നൽകിയത്.
7 سنوات من العطاء والإنجاز والفخر!
— Qatar Rail (@QatarRail) May 8, 2026
منذ انطلاقه قبل سبعة أعوام، يواصل #مترو_الدوحة خدمة مجتمعنا بكل اعتزاز، موفّرًا ربطًا سلسًا بين مختلف الوجهات وخيارًا فعّالًا لتنقل الأفراد، حيث أسهم حتى الآن في تيسير تنقل نحو 292 مليون راكب. سعداء بهذا الإنجاز الذي تحقق بفضل ثقة عملائنا… pic.twitter.com/S7A0ZF7dRx
ദോഹ മെട്രോയുടെ ഏഴാം വാർഷികവേളയിലാണ് ഖത്തർ റെയിൽ ഇക്കാര്യം അറിയിച്ചത്. ഈ കാലയളവിൽ രാജ്യത്തെ പ്രധാന ലക്ഷ്യസ്ഥാനങ്ങളിലേക്ക് സേവനം നൽകുന്നത് ലക്ഷ്യമിട്ട് 37 മെട്രോ സ്റ്റേഷനുകൾ സ്ഥാപിച്ചതായും ഖത്തർ റെയിൽ അറിയിച്ചു.
തടസമില്ലാതെ യാത്രാസേവനങ്ങൾ നൽകുന്നതിലും, കൃത്യനിഷ്ഠ, സേവനലഭ്യത തുടങ്ങിയ ഘടകങ്ങളിലും ദോഹ മെട്രോ ശരാശരി 99.83% പ്രകടന സൂചകങ്ങൾ കൈവരിച്ചതായും അധികൃതർ ചൂണ്ടിക്കാട്ടിയിട്ടുണ്ട്. കഴിഞ്ഞ നിരവധി വർഷങ്ങളായി ദോഹ മെട്രോ ഉപഭോക്തൃ സംതൃപ്തി നിരക്ക് 99.9 ശതമാനമായി നിലനിർത്തുന്നതായും അധികൃതർ കൂട്ടിച്ചേർത്തു.
