എമിറേറ്റിലെ പാർപ്പിട മേഖലകളെ പൊതുഗതാഗത സംവിധാനങ്ങളുമായി ബന്ധിപ്പിക്കുന്നത് ലക്ഷ്യമിട്ടുള്ള ഒരു അഞ്ച് വർഷത്തെ പദ്ധതിയ്ക്ക് ദുബായ് റോഡ്സ് ആൻഡ് ട്രാൻസ്പോർട് അതോറിറ്റി (RTA) അംഗീകാരം നൽകി. 2026 ജൂലൈ 19-നാണ് ദുബായ് മീഡിയ ഓഫീസ് ഇക്കാര്യം അറിയിച്ചത്.
Dubai's Roads and Transport Authority approves a five-year plan to expand the emirate's soft mobility network through 2030. The plan aims to strengthen links between residential areas and public transport stations. The plan encompasses infrastructure development across 25… pic.twitter.com/9AvZfMfY2S
— Dubai Media Office (@DXBMediaOffice) July 19, 2026
2030-ഓടെ ദുബായിലെ സോഫ്റ്റ് മൊബിലിറ്റി ശൃംഖല വിപുലീകരിക്കുന്നതിന് ഈ പദ്ധതി ലക്ഷ്യമിടുന്നു. ഈ പദ്ധതിയിലൂടെ ദുബായിലെ റെസിഡൻഷ്യൽ മേഖലകളും, പൊതുഗതാഗത സംവിധാനങ്ങളുടെ സ്റ്റേഷനുകളും തമ്മിലുള്ള ബന്ധം ശക്തമാക്കുന്നതിനാണ് RTA ശ്രമിക്കുന്നത്.
2030 ആകുമ്പോഴേക്കും ദുബായിലെ 25 റെസിഡൻഷ്യൽ ഏരിയകളിലുടനീളമുള്ള അടിസ്ഥാന സൗകര്യ വികസനവും 63 പൊതുഗതാഗത സ്റ്റേഷനുകളെ ചുറ്റിപ്പറ്റിയുള്ള അടിസ്ഥാന സൗകര്യങ്ങളുടെ നവീകരണവും ഈ പദ്ധതിയിൽ ഉൾപ്പെടുന്നു. ദുബായ് മറീന, അൽ മുറാർ, നായിഫ്, അൽ റിഗ്ഗ, അൽ മുറഖബത്ത് എന്നീ അഞ്ച് മേഖലകളിലാണ് ഈ സോഫ്റ്റ് മൊബിലിറ്റി ശൃംഖലയുടെ വിപുലീകരണം നിലവിൽ നടപ്പിലാക്കുന്നത്.
റോഡ് ശൃംഖല, പൊതുഗതാഗത രീതികൾ, വ്യക്തിഗത മൊബിലിറ്റി രീതികൾ എന്നിവ തമ്മിലുള്ള സംയോജനം ശക്തിപ്പെടുത്തുന്നതിലൂടെ ലോകത്തിലെ ഏറ്റവും നൂതനമായ പൊതുഗതാഗത സംവിധാനങ്ങളിലൊന്ന് നിർമ്മിക്കുന്നതിൽ ദുബായ് വിജയിച്ചതായി RTA എക്സിക്യൂട്ടീവ് ഡയറക്ടർ ബോർഡിന്റെ ഡയറക്ടർ ജനറൽ, ചെയർമാൻ മതാർ അൽ തായർ ചൂണ്ടിക്കാട്ടി. കാൽനട യാത്രകൾ 2024-ലെ 326 ദശലക്ഷത്തിൽ നിന്ന് 2025-ൽ 342 ദശലക്ഷമായി ഉയർന്നതായും, സൈക്ലിംഗ് യാത്രകൾ 2024-ലെ 46.6 ദശലക്ഷത്തിൽ നിന്ന് 2025-ൽ 57.3 ദശലക്ഷമായി ഉയർന്നതായും, ഇ-സ്കൂട്ടർ യാത്രകൾ 2024-ലെ 32.3 ദശലക്ഷത്തിൽ നിന്ന് 2025-ൽ 39.6 ദശലക്ഷമായി ഉയർന്നതായും RTA വെളിപ്പെടുത്തിയ കണക്കുകൾ വ്യക്തമാക്കുന്നു.
