അൽ ഖുസൈസ് മേഖലയിൽ ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) ഒരു പുതിയ ബസ് സ്റ്റേഷൻ തുറന്ന് കൊടുത്തു. 2024 മെയ് 3, വെള്ളിയാഴ്ചയാണ് RTA ഈ പുതിയ ബസ് സ്റ്റേഷൻ ഉദ്ഘാടനം ചെയ്തത്.
സ്റ്റേഡിയം മെട്രോ സ്റ്റേഷന് സമീപത്താണ് ഈ പുതിയ ബസ് സ്റ്റേഷൻ ആരംഭിച്ചിരിക്കുന്നത്. ‘സ്റ്റേഡിയം ബസ് സ്റ്റേഷൻ’ എന്നാണ് ഇതിന് RTA ഔദ്യോഗികമായി നൽകിയിരിക്കുന്ന പേര്.
ഈ മേഖലയിലെ പൊതുഗതാഗതവുമായി ബന്ധപ്പെട്ട ആവശ്യങ്ങൾ കണക്കിലെടുത്താണ് RTA ഈ പുതിയ ബസ് സ്റ്റേഷൻ ആരംഭിച്ചിരിക്കുന്നത്. 19, F22, F23A, F23, F23, F24, W20 എന്നീ റൂട്ടുകളിൽ സർവീസ് നടത്തുന്ന ബസുകൾ ഈ പുതിയ ബസ് സ്റ്റേഷനിൽ നിന്നായിരിക്കും സർവീസ് ആരംഭിക്കുന്നത്. ഇതിന് പുറമെ, റൂട്ട് 23 ഈ ബസ് സ്റ്റേഷനിലൂടെയായിരിക്കും കടന്ന് പോകുന്നതെന്നും RTA അറിയിച്ചിട്ടുണ്ട്.
WAM
