2022 മെയ് 10 മുതൽ വെസ്റ്റ് ബേയിലെ അൽ ശാഖിയ സ്ട്രീറ്റിൽ ഗതാഗത നിയന്ത്രണം ഏർപ്പെടുത്തുമെന്ന് ഖത്തർ പബ്ലിക് വർക്സ് അതോറിറ്റി അറിയിച്ചു. അൽ ശാഖിയ സ്ട്രീറ്റിൽ വടക്കൻ ദിശയിലാണ് ഈ ഗതാഗത നിയന്ത്രണം ഏർപ്പെടുത്തുന്നത്.
വടക്കൻ ദിശയിലേക്ക് സഞ്ചരിക്കുന്ന വാഹനങ്ങൾക്ക് മാത്രമാണ് ഈ നിയന്ത്രണം ബാധകമാകുന്നതെന്നും, അൽ ശാഖിയ സ്ട്രീറ്റിൽ തെക്കൻ ദിശയിലേക്ക് സഞ്ചരിക്കുന്ന വാഹനങ്ങൾക്ക് തടസം നേരിടില്ലെന്നും അതോറിറ്റി വ്യക്തമാക്കിയിട്ടുണ്ട്. മെയ് 10 മുതൽ രണ്ട് മാസത്തേക്കാണ് ഈ നിയന്ത്രണം.
ഈ മേഖലയിലെ റോഡ് വികസനവുമായി ബന്ധപ്പെട്ട പ്രവർത്തനങ്ങൾക്കായാണ് ഈ നിയന്ത്രണം ഏർപ്പെടുത്തുന്നത്. ബല്ഹമ്പർ സ്ട്രീറ്റിൽ നിന്ന് അൽ ശാഖിയ സ്ട്രീറ്റിലേക്ക് സഞ്ചരിക്കുന്ന വാഹനങ്ങൾക്ക് ബാൽഹനീൻ സ്ട്രീറ്റ് ഉപയോഗപ്പെടുത്താമെന്ന് അതോറിറ്റി അറിയിച്ചിട്ടുണ്ട്.
